點睇狗狗健唔健康?

1: 眼睛

睇下狗狗雙眼係咪有神,有冇過多眼水分泌,角膜有冇混濁,眼角處有冇好多眼屎,

結膜發紅等問題。

Eye-Boogers-in-Dogs

 

2:   耳仔

健康嘅耳仔會呈現淡粉紅色,無異味,乾淨,會有少少米黃色嘅耳油分泌嘅。狗狗突然不停

R耳仔好痕,耳仔又紅又腫,有啲黑色污垢,而且耳仔有臭味,咁可能耳仔已經發緊炎。

 

3: 口腔

健康既狗狗牙肉顏色應該係粉紅色,唔會有特殊既氣味,吞口水都唔會有困難。但如果發現狗狗

口腔有紅腫、潰瘍和爛斑,有特殊氣味,進食有困難,可能就要睇一睇醫生檢查下。

lymphoma11

4:

健康既狗狗鼻仔會係涼涼地而濕潤,有點小水珠,但當狗狗鼻仔異常乾燥或過份濕潤,

鼻腔有漿液性、黏膜性或膿性分泌物時即係可能已經發病。

 

5: 飲食

要留意狗狗有冇食欲,食量幾多,如果突然間唔想食野,淨係食好少,冇乜點飲水,好似冇哂體力咁

就要多加留意。健康既狗狗食欲旺盛,應該到餵食既時候就會非常興奮,跟實主人,食量穩定。

 

 

6: 嘔吐

健康既狗狗係唔應該會嘔既,不過有時可能食得太急,Chok親會嘔翻食物出黎,或者太耐冇食野。

如果狗狗真係有嘔吐情況,要注意觀察嘔吐物既顏色,形狀同內容物,有機會係因為肚仔有蟲,

或者係發生傳染病或胃腸道等疾病先嘔吐。

19790

 

7: 便便

正常既狗狗便便,會係呈條狀,少少濕潤,顏色係棕色至深棕色。如果狗狗便便好軟身,拎唔起,

帶血有腥惡臭味或顏色奇怪,例如深黑色,黃色,綠色等,就要記得記錄低,然後帶佢地睇醫生,

有機會係消化系統出現問題。

19300534345823135374895921020

 

8: 肛門位

肛門周圍應該係要乾淨清潔,唔會發炎、紅腫或潰瘍等。如果肛門位有便便黐住或者紅晒,

成日磨pat pat,好大機會同消化道病、傳染病或局部炎症有關。

 

9: 皮膚

皮膚靚既狗狗,毛色會有光澤,皮膚都會有彈性。如皮膚上有皮疹、水皰、痂皮和潰瘍等,

毛毛不斷脫落,粗糙無光擇,皮膚乾燥,缺乏彈性,或見結癡和潰瘍等缺損都係有皮膚問題。

 

10: 精神

睇下狗仔係咪活潑,對外界的環境有冇反應,有冇異常的神態等。例如對聲音作出反應,亦會睇

得到佢地係活潑、敏捷,見到主人會好興奮上前親近,對外界既刺激反應靈敏。如果狗狗突然

表情呆滯,縮埋一邊牆角,反應遲鈍,可能係有唔舒服啦,不過都要睇埋其他情況既。