點樣照顧幼貓?

點樣照顧幼貓?
baby-kittens-drink-milk-from-bottles-635802227420004653-17446-首先幼貓咪身體抵抗力同免疫力都較成貓差,而且腸胃較容易敏感,所以照顧幼貓既時候,主入要更加留意BB佢地既身體狀況,例如係體重,胃口,精神等。另外幼貓對溫度較敏感,容易冷親,要記得幫佢地保持溫暖呀!

究竟咩食物先適合佢地呢?

-一般人手餵幼貓大概係餵到佢出生後8個星期到,因為8個星期後佢地差唔多就會出幼齒。幼貓未出幼齒時,應該俾佢地飲用貓BB專用奶粉,最好分多幾餐餵俾佢地食,分量一般視符每隻貓貓體重以定,仲有一定要記得唔好俾人飲用既牛奶佢地飲呀!如果係媽媽餵哺既話,決定權就係貓媽媽到,因為當BB出牙仔飲奶既時候,有機會整痛媽媽令媽媽唔餵哺。

 

-到佢地開始出幼齒時,就可以轉食流質食物,例如後幼貓配方既濕糧,或者係用暖既奶粉浸軟幼貓乾糧。

 

 

 

-幼貓一開始未識去廁所,所以貓媽媽會幫佢地舔Patpat位,刺激幼貓排便,所以主人如果照顧出世冇耐既貓貓,要係餵完飯後用溫水同綿花捽下patpat位好似貓媽咁。

 

幼貓生活照顧
1)溫度
-
幼貓對溫度好敏感,而且佢地抵抗力較差,所以容易冷親。一般要保持室內既溫度為25-28度,如果天氣冷時,可以另外加電熱氈,但記得要係上面加幾層毛巾,以防太熱整傷幼貓。

Bathing-Kittens-Should-You-Give-Your-Kittens-A-Bath

2)
清潔
-其實貓係好中意乾淨既動物,所以佢地成日都舔自己清潔身體,所以一般係室內既貓都唔太需要沖涼。另外,一般都唔太建議同貓BB沖涼,因為佢地易冷親而且可能會好驚,其實每日同佢地梳下毛都已經可以架啦。如果佢地身體真係太大陣味都係用溫水同毛巾抹下就好,同埋記得吹番乾D毛呀!


3)
情緒
-初初黎到主人屋企既幼貓會比較緊張同好奇,一開始可能對主人有戒心避開主人,所以一定要多花時間建立感情。例如用小食玩具同佢玩,等佢慢慢相信你,盡量每日都抽1-2個鐘陪下佢,但切記過急。如果主人去左番工,可以放同低幼貓差唔多大既毛公仔陪下佢。

 

幼貓必學訓練
1)去廁所
-好多貓貓一見到貓砂盆都會識自己去廁所,如果幼貓真係唔識用,主人就要俾D心機同耐性啦。主人可以將貓砂盆放係佢平時中意同習慣左去既地方,或者用紙巾吸小小佢地尿放係貓砂盆入面,等佢聞到陣氣味去屙。貓砂既材料就最好用返豆腐砂,唔怕多塵粉。記得如果幼貓去岩左,就要獎勵下佢,俾小食讚佢!

2)檢查身體
-主人應該係幼貓仲係BB既時候訓練佢,周不時掂下佢手仔腳仔,檢查下BB既眼睛耳仔牙齒等,令佢習慣人地掂佢,唔會覺得唔舒服,如果佢乖乖咁俾主人掂,記得都係要獎勵佢呀!因為細細個仲係BB既時候殺傷力唔大,早D同佢做下訓練咁到貓貓大個左,主人都可以容易D控制佢,例如係剪指甲,餵藥,刷牙等!同埋要記得俾佢習慣入籠,令佢明白係安全既,唔會覺得驚,咁日後主人帶佢外出睇醫生都搞得掂啦!

play-aggression-play-with-ball-4639285  800px COLOURBOX4037598