[寵物知識]咩話?狗狗都會好似貓咁嘔毛? |
其實狗狗都會因為食咗毛而引起嘔吐,有D似貓貓嘔毛咁。不過狗狗除咗毛之外,好容易食咗其他異物,所以嘔吐嘅情況就更加複雜。
狗狗有時候突然莫名其妙咁咳或者好似人飲水逐親咁,而且會連續咳好幾下,咁有可能係因為狗狗吃咗D污髒嘢引起嘅消化不良。如果你確定狗狗冇食到D污髒嘢,咁就可能係狗狗個肚入面有毛毛。長毛狗會比較甩多D毛,又或者喺狗狗食嘢、飲水、玩玩具嘅過程中都有可能會將毛毛吞咗入肚到。
有幾個可以紓援狗狗嘔毛嘅解決方法: 1.梳毛: 將狗狗身上毛根已經脫落,但仲痴喺身上嘅毛毛梳落嚟,就可以最大限度避免狗狗喺舔毛嘅時候將毛毛吞落肚。
2.食草: 狗狗喺個胃覺得唔舒服嘅時候就會食草,特別係有毛團積喺個胃嘅時候,食D草可以刺激胃黏膜而引發嘔吐,咁樣就可以將毛團嘔出嚟。
3.可以比狗狗食D吐毛膏: 市面上有D貓狗通用嘅吐毛膏,可以幫助軟化寵物體內積住D毛,等佢地自然排出。亦可作為日常嘅營養品進行餵食,每次餵一至兩厘米到就得咖喇!
4.勤清潔: 狗狗其實一年四季都會甩毛,D毛唔單止會同地下D塵結埋一齊,仲會跌入去寵物兜到,當狗狗進食或者飲水時,就會有機會連埋D毛一齊吞埋。
|