[寵物知識]幫寵物剃毛有咩要注意? |
幫寵物剃毛有咩要注意? 香港天氣開始回暖,幫毛孩剃毛嘅時候,有啲咩要特別留意?剃毛有好處又有咩壞處?毛孩發覺自己外表唔同咗係唔係真係會有情緒反應?
(1) 剃毛的好與壞
好處:可預防某部份皮膚病 香港夏天嘅氣候濕氣會較重,又濕又熱嘅天氣下,擁有濃密又長毛髮嘅毛孩,皮膚會好容易滋生黴菌或濕疹,好似人一樣流咗汗悶著後,身上會出現過敏濕疹的症狀。
壞處:失去天然的保護層 毛髮對毛孩嚟講,其實係根據品種而配合嘅一層天然保護層,有跣水作用、防止太陽曬傷、於叢林行走時避免比樹枝介傷、保暖等等唔同作用。而家大多數人都將毛孩養於室內,所以毛髮發揮到嘅作用都大大減少。但仍然要注意唔好比家中化學藥劑品碰觸到佢地嘅皮膚,以免引起過敏問題。
(2)不同部位剃毛注意
溫馨提醒:剪指甲時,要小心唔好剪到毛孩嘅血管阿。
身體
記得要將肚翻過來,執行身體除毛嘅動作,喺腹部靠近末端嘅部分,都要將毛修埋,先會更加清爽。
臉部
臉部修毛,包括眼、嘴、耳。為咗避免容易發炎,靠近眼睛附近嘅毛唔適合太長。而為咗避免毛孩飲水時沾到太多水,導致潮濕且容易發黃,所以將嘴附近嘅毛髮都要修齊。
(3)剪毛後心理行為
寵物一開始比人剃完毛時,會覺得非常唔自在,甚至覺得自己同其他同類唔同而自卑,因為身體感覺同先前唔同,會變得鬱鬱寡歡同唔自在。動物都係有自尊心,所以主人喺幫寵物剃完毛之後,要多D安撫佢們嘅情緒,千祈唔可以嘲笑佢地,因為佢們好可能因為咁從此厭惡自己。
溫馨提醒:如果擔心寵物適應能力比較差,剃毛時可以留返D頭毛、腳毛同尾巴毛,或者用衣物幫牠們遮醜。
本店有售的剃毛產品:
|